Sunday, November 27, 2016

ධර්මය දැකීම



බුදු රජාණන් වහන්සේ , ජේසු ක්‍රිස්තුස් වහන්සේ ආදී මේ ලෝකයට පහල වූ සියලු ශාස්තෲවරුන් ධර්මය දේශනා කලේ ඒ ඒ අවස්ථාවට සහ පුද්ගලයින්ට උචිත ආකාරයෙනි. උදාහරණ වශයෙන් කිව්වොත් අපි යම්කිසි ශාස්තෲවරයෙක් කියන ලද සැබෑ සත්‍ය ධර්මය කොටසක් පරිශීලනය කරන්නේ නම් මේ කරුණ පිලිබඳ අවධානය යොමු කල යුතු වෙනවා.  උදාහරණ වශයෙන් කිව්වොත් බුදුන් වහන්සේ දේශනා කල සද්ධර්මය "කුමක් අරබයා/ කවර ස්ථානයකදී/කා හට දේශනා කරන ලද්දක්ද යන්න විමසා බැලිය යුතුයි. බයිබලය තුල පවා ප ඒ ඒ අයට උචිත ආකාරයෙන් ජේසුස් වහන්සේ සත්‍ය ධර්මය දේශනා කොට තියනවා.

අපි ධර්මය පිලිබදව උනත් නිවැරදි අවබෝධයෙන් නොබැලුවොත් එතනදී මුලාවකට හසු විය හැකියි. සරලව පැහැදිලි කලොත් බුදුන් වහන්සේ  බුදුන් වහන්සේ කිසා ගෝතමියට කිව්වෙ "නොමළ ගේකින් අබ ටිකක් ගේන්න කියලා" ඒකෙන් ඇයට ධර්මය අවබෝධ උනා. අංගුලිමාලට කිව්වෙ " මම නැවතිලා ඉන්නෙ, ඔබත් නවතින්න කියලා". එතකොට රූපයෙන් උදම් වෙලා හිටපු ඛේමා ට පෙන්නුවා රූපය ටිකෙක් ටික වෙනස් වෙවී ජරාවට පත් වෙන හැටි.ඒකෙන් ඇයට ධර්මාවබෝධය ලැබුණා. ඒ වගේම නන්ද කුමාරයට දිව්‍යංගනාවක් පෙන්නලා ධර්මය දෙසට යොමු කළා. තවත් කිව්වොත් දාරුචීරියට"දැක්කොත් දැක්කා විතරයි, ඇහුවොත් ඇහුවා විතරයි "කියන ගාථාව දේශනා කළා. එයින් ඔහුට අවබෝධය ලැබුණා. ආනන්ද තෙරුන් වහන්සේ විවිධ අවස්ථා වලදී බුදුන් වහන්සේගෙන් අහපු ප්‍රශ්න වලට උන්වහන්සේ පිලිතුරුරු ලබා දුන්නා. 

මේ විදියට එක එක්කෙනාට අවබෝධ කරගන්න පුලුවන් මට්ටමෙන් විවිධ විදියට ධර්මය දේශනා කළා.

මේකෙන් අපිට තේරුම් ගන්න තියෙන්නෙ මේකයි. එක එක්කෙනාගෙ අවබෝධයේ මට්ටම වෙනස්. ඒ නිසා හැමවෙලේම ධර්මය දේශනා කරලා තියෙන්නෙ ඒ ඒ තැනට උචිත විදියට. ඒ නිසයි අපි යම් අවස්තාවක කවුරුහරි ශාස්තෲවරයෙක් කියන ධර්මය අහනවා නම් බලන්න ඕනෙ මේක කවුරු වෙනුවෙන් මොන අවස්ථාවක කුමන කරුණක් උදෙසා කියපු දෙයක්ද කියන එක. එතකොට කිසිම තැනකදි අපි  වැරදි වැටහීම් ඇති වෙන්නෙ නෑ. අවබෝධයෙන් ගමන් කරන්න පුලුවන් වෙනවා.

අනික් කාරණේ තමයි වර්තමානයේ මිනිස්සු බොහෝ දේවල් හා දර්ශනයන් පස්සෙ යනවා. පස්සෙ ගොඩක් දේවල් මනසට දාගන්න ගිහින් ඔවුන්ගේම මනස විසින් ඔවුන් අතරමන් කරනවා. තමන් අදහන ආගම මොකක් උනත් ප්‍රශ්නයක් නෑ, මොන ශාස්තෲවරයා විශ්වාස කලත් ප්‍රශ්නයක් නෑ. හරියට ඒ ඔස්සේ ගිහින් අවබෝධ කරගන්නවා නම්. එහෙම නැත්තම් ස්වභාව ධර්මය තුල තියන සත්‍යය දැකීමෙනුත් අවබෝධය ලබන්න පුලුවන්.

කිසිම අවබෝධය ලබපු ශාස්තෲවරයෙක්ට තමන් වහන්සේ අවබෝධ කරගත් සියලු දේ වචන වලින් කියන්න බැහැ. මොකද නිවැරදිම සත්‍ය වූ සද්ධර්මය පොදුවේ මිනිස්සුන්ට කිව්වොත් ඒගොල්ලන් ඒවා තෙරුම් ගන්නෙ තමන්ට ඕනෙ විදියට. මිනිස්සු ධර්මය උනත් තමන්ට වාසි වෙන විදියට වෙනස් කරලයි තේරුම් ගන්නෙ. ඒක තමයි ස්වභාවය. 

වචන වලට වඩා අපිට තව කෙනෙක් දිහා බලලා තේරුම් ගන්න, අවබෝධ කරගන්න ගොඩාක් දේවල් තියනවා. වචනයට වඩා ක්‍රියාවයි වැදගත්.

බුදුන් වහන්සේගෙ ජීවිතය එතකොට ජේසුස් ක්‍රිස්තුස් වහන්සේගෙ ජීවිතය දිහා බැලුවම අපිට බොහෝ දේ අවබෝධ කරගන්න පුලුවන්. 

අපි මේ ජීවත් වෙන කාලෙ වචන වලින් මොනවා කිව්වත් වැඩක් නෑ, එකම දේ අපි ක්‍රියාත්මක වෙන හැටි , අපේ හැසිරීම සහ අපේ ජීවිතය තමයි අපි මේ ලෝකෙට දෙන පණිවිඩය.

1 comment:


What do you think?

It’s your turn.

Please feel free to share your experiences, opinions, thoughts in the comments box below.