Wednesday, December 14, 2016

පූර්ණ දැකීම



අපි අපිට පේන සියලු දේම දකින්නෙ අපිට ඕනෙ විදියට. ඒ කියන්නෙ අපිට සාපේක්ෂව. තව විදියකට කියනවානම් සිතුවිලි වලට සාපේක්ෂව. එතකොට ඇහැට පේන රූප, කනට ඇහෙන ශබ්ද ආදී වශයෙන් වූ සියලුම දේ අපි විසින් ගොඩක් වෙලාවට කැමති , අකැමති කියල වර්ග කරනවා. වර්ග කරලා දේවල් දිහා බලනවා.

උදාහරණයක් විදියට අපි කාට හරි ගොඩක් කැමතියි කියල හිතන්න. ඒ කැමැත්තත් එක්ක එයා ගැන අපිට ආස හිතෙන දේවල් මයි පේන්නෙ. අපේ හිතේ තියනවා මෙයා මෙහෙමයි කියලා සිතුවිල්ලක්. ඒ සිතුවිල්ලට සාපේක්ශව අපි ඒ කෙනා දිහා බලද්දි අපිට පේන්නෙම ඒ වගේ දේවල්. මේකෙම අනික් පැත්ත ගත්තොත් අපි කෙනෙක්ට ගොඩක් අකැමති නම් ඒ කෙනා ගැන අපිට අකැමති දේවල්ම තමයි පේන්නෙ, ඇහෙන්නෙ. ඒ මොකද අපේ සිතුවිල්ලක් තියනවා අපි මෙයාට කැමති නෑ කියලා. මේ විදියට අපි කැමති -අකැමති , ලස්සන -කැත, හොඳ -නරක කියලා වර්ග කරන තාක් සහ ඒ වගේ සිතුවිලි හදාගෙන , අරහෙමයි මෙහෙමයි කිය කියා දේවල් දිහා බලන තාක් අපිට සම්පූර්ණ දැකීමක් ඇති වෙන්නෙ නෑ. 

පූර්ව නිගමනයක් ඇතුව, මේක මෙහෙමයි කියලා හිතාගෙන දෙයක් දිහා සාපේක්ෂව බැලුවොත් අපිට සත්‍යය පේන්නෙ නැහැ. අපි කිසිම විනිශ්චයකින් තොරව යම් කිසි කෙනෙක් හෝ දෙයක් දිහා බැලුවොත් අපිට සම්පූර්ණ චිත්‍රය පේනවා. එතකොට තමයි හරි දැකීමක් ඇති වෙන්නෙ.

යමක් සත්‍යයි නම් හැම පැත්තකින්ම බලද්දි ඒක සත්‍යයම වෙන්න ඕනෙ. සත්‍යය සාපේක්ෂ නැහැ. නිරපේක්ෂයි. ධර්මය උනත්, වෙන දෙයක් උනත් මේක මෙහෙමයි කියලා පූර්ව නිගමනයක් ඔස්සේ ගන්නෙ නැතුව විවිධ පැති වලින් බලන්න අවශ්‍යයි. එතකොට තමයි පූර්ණව දැකලා අවබෝධ කරගන්න පුලුවන් වෙන්නෙ.

මේ ලෝකෙ ප්‍රශ්න ගොඩක් ඇති වෙලා තියෙන්නෙ සාපේක්ශ බෙදා වෙන් කිරීම්, වර්ග කිරීම් සහ පූර්ව නිගමන නිසා. එහෙම වර්ග නොකර දෙවල් වල ඇත්ත ස්වරූපය ඇති සැටියෙන් ,පූර්ණව දැකීම තුලින් අපි තුල අවබෝධය ඇති වෙනවා.

උදාහරණයක් ගත්තොත් වැඩිහිටි අය නයෙක් දැක්කම පොඩි ළමයින්ට නයා ගැන එක එක කතා කියලා චිත්‍රයක් මවල පෙන්නනවා. ඒ පුන්චි අය තුල බයක් ඇති කරනවා .  ඊට පස්සෙ ජීවිත කාලෙම මේ ළමයි නයාට  බයයි. ඒත් ඇත්ත කතාව නයෙක් එයාට කරදරයක් නොකරන කෙනෙක්ට කවදාවත් කරදර කරන්නෙ නෑ.මේ සතාව දකින්න ඉඩ නොදී කලින්ම මෙයා මෙහෙමයි කියලා මනස තුලට සංකල්පයක් ඇතුල් කරහම වෙන්නෙ හරි දැකීම නැති වෙලා යන එකයි.

අපි පුරුදු වෙන්න ඕනෙ කිසිම විනිශ්චයකින් තොරව, සෑම සියලු දෙයක් දිහාම උපේක්ෂා සහගතව, නිරවුල් මනසක් ඇතුව බලන්න. එතකොට තමයි හරි දැකීමක් ඇති වෙන්නෙ.


No comments:

Post a Comment


What do you think?

It’s your turn.

Please feel free to share your experiences, opinions, thoughts in the comments box below.