Thursday, December 15, 2016

ස්වභාවය ධර්මයේ ධර්මතාවයන් දැකීම තුළින් අවබෝධය ලැබීම


මේ ලෝකෙ බොහෝ බැදීම්/ඇලීම් නිර්මාණය වන්නේ "චලනය" එහෙම නැත්නම් "වේගය" කියන සංසිද්ධිය/ස්වභාවය මුල් කරගෙනයි. තව දුරටත් පැහැදිලි කලොත් "නිශ්චල" කියන ස්වභවයට වඩා අපි හැමෝම කැමති චලනය වන ස්වභාවයකටයි. උදාහරණ වශයෙන් කිව්වොත් නිකම්ම ඔහේ එක තැන වාඩි වෙලා ඉන්න ගෑනු ළමයෙක් දිහා බලනවට වඩා මිනිස්සු කැමති නටන ඒ කියන්නෙ චලනය වන ගෑනු ළමයෙක් දිහා බලන්න. එක තැන වතුර එකතු වෙලා තියන වැවක් දිහා බලනවට වඩා කැමතියි ගලා ගෙන යන හෙවත් චලනය වෙන ගංගාවක් දිහා බලන්න. සිද්ධ වෙන හැම දෙයක්ම දිහා බලද්දි අපිට පේනවා මේ චලනය වෙන ස්වභාවයත් එක්ක අපේ මොනතරම් බැඳීමක් තියනවාද කියලා. චලිත ස්වභාවය, ලතාවක් තිබීම වගෙ දේවල් වලට අපි නිරතුරුවම දැඩිව ආකර්ශණය වෙනවා.

ශබ්දයක් ගත්තත්, දැනීමක් ගත්තත්, සුවඳක් ගත්තත්, රසක් ගත්තත් අපි එකිනෙකාට සාපේක්ෂව අපේ සිතේ ඇතිවන චංචල ස්වභාවය නිසා තමයි අපි ඇලීම් සහ ගැටීම් වලට හසු වෙන්නෙ. 

මේක දෙපැත්තටම වෙන්න පුලුවන්. දෙයක් දැකලා, ඒ වෙනුවෙන් ඇති වෙන කැමැත්තත් එක්ක හිතේ චලනය වන ප්‍රමාණය අනුව ඒකත් එක්ක ඇලීමක්  සිද්ධ වෙන්න පුලුවන්. ඒ වගේම තවත් දෙයක් දැකලා ඒ කෙරේ ඇති වෙන අකැමත්ත නිසා හිත සැලිලා ගැටීම් ඇති වෙන්න පුළුවන්.

මේ බැඳෙන/ගැටෙන ස්වභාවයත් අපි එකිනෙකා අනුව වෙනස් වෙනවා සහ එය සාපේක්ෂ දෙයක්.සිතේ සැලෙන ස්වභාවය වැඩී නම් අන්න ඒක නිසා අපි දුකට පත් වෙනවා. සතුට හා දුක සම සිතින් භාර ගන්නයි අපි පුරුදු වෙන්න ඕනෙ.

ඇත්තටම අපේ සිත නිශ්චලයි නම්, නිවිලා නම් බාහිර පරිසරයේ මොනවා සිද්ධ උනත් අපේ සිත චංචල වීමක් හෙවත් සැලෙන්නෙ නෑ.

පැවැත්මේ ස්වභාවය නිරන්තරයෙන්ම වේගයකට හසු වෙලා පවතින එකයි. චලනය වෙන ස්වභාවයක් මයි තියෙන්නෙ. ජීවී අජීවී හැම දේකම යම් කිසි සංඛ්‍යාතයක් හෙවත් frequency එකක් තියනවා. මේ විදියට පවතින එක ප්‍රශ්නයක් නෙවෙයි ,ඒක තමයි ස්වභාවය.

අපි මේ ස්වභාව ධර්මයේ පවතින ආකාරය හෙවත් ස්වභාවයන් නුවණැසින් දකින්න ඕනෙ. එහෙම දැක්කහම අපිට නියම සත්‍ය ස්වභාවය දැකීමෙන් අවබෝධය ලැබෙනවා. එතකොට අපිට පුලුවන් මේ නිරන්තරයෙන් චලනය වෙන ලෝකෙ , නිශ්චල මනසකින් යුක්තව පැහැදිලිව දකින්න සහ අවබෝධය ලබන්න.

අපේ මනස කිසිම බාහිර දෙයක් නිසා තව දුරටත් චලනය වෙන්නෙ නැත්නම් , නිවුනු ස්වභාවයක් හැමවිටම තියනවා නම් මේ බාහිර ලෝකෙ මොනවා සිද්ධ උනත් අපිට ප්‍රශ්නයක් නෑ. අපි ජීවත් වෙන මේ ලෝකෙ තියන භෞතික ස්වභාවයන්ගෙන් අපිට යින් වෙන්න බෑ මැරෙනකල්. 

අපිට කරන්න පුලුවන් එකම දේ පවතින නියම ස්වභාවය දැකලා , අවබෝධ කරගෙන නිවී, සැනසී ජීවත් වෙන එකයි.

1 comment:

  1. The pictures in your blog are simply amazing.How and where do you find them ?

    ReplyDelete


What do you think?

It’s your turn.

Please feel free to share your experiences, opinions, thoughts in the comments box below.