Tuesday, January 10, 2017

යතාර්ථය දැකීම, අවබෝධ කර ගැනීම හා ඒ තුල පැවතීම



මමත් ඇතුලුව අපි හුඟක් දෙනෙක්ට මේ ලෝකෙ තියන යතාර්ථය එහෙම නැත්නම් සත්‍යය පේනවා. ඒක ඇත්තටම අපිට දකින්න පුලුවන්, තේරෙනවා .එහෙම පෙනුනට, මේක තේරුම් අරගත්තට මේ අපි තුල ඇති වෙන අවබෝධය තුල දිගටම පැවතීමේ නොහැකියාවක් අපිට තියනවා. මේ අපි අවබෝධ කර ගන්න දේවල් තුල දිගට පැවතීමේ නොහැකියාව නිසා අපි විසින්ම වරින් වර අපේ තුල තියන නිවීම සහ සැනසීම අහිමි කර ගන්නවා. 

මේ ජීවත් වෙන කාලය තුල එක මොහොතකට හරි නිවීමක් සැනසීමක් අත් නොවින්ද කෙනෙක් නැතුව ඇති. එක ක්ෂණයකට හරි අපි හැමෝම ඒක අත් විඳල තියනවා විවිධ මට්ටම් වලින්. 

ගොඩාක් පිරිසක් වේගෙන් නොනවත්වාම එකම පැත්තකට දුවමින් අපිටත් ඒ පැත්තට දුවන්න කතා කරනවා. ඒත් අපි එයාලට ප්‍රතිවිරුද්ධ පැත්තට ගමන් කරනවා. කොයිතරම් අප්‍රමාණ ශක්තියක් , ධයිර්යක්, ආත්ම විශ්වාසයක් අවශ්‍යද මෙහෙම වේගයෙන් චලිත වෙන ස්වභාවයක් තුලම දිගටම නිශ්චලව පවතින්න.

මේ නිශ්චලත්වයට මූලික වෙන්නෙ අපේම සිතේ ස්වභාවය. සියලු ක්‍රියාවන්ට සිත මයි මූලික වෙන්නෙ.

අපේ මුලු ශරීරයම , ඒකෙ හැම කොටසක්ම එකිනෙකට සම්බන්ධයි (closely inter connected). අපේ හදවත, ඔළුව, කකුල්, බඩ මේවා ඔක්කොම තනි තනියෙන් නෙවෙයි, එකට එක පද්ධතියක් හැටියටයි මේ ශරීරය තුල ක්‍රියාත්මක වෙන්නෙ. ඒ වගේම අපේ හිත මේ මුලු ශරීරයටම සම්බන්ධයි. කොයිතරම් ද කියනවා නම් ශරීරය සුවපත් කරන්න වගේම ලෙඩ කරන්න අපේ හිතට පුලුවන්. ගොඩක් ලෙඩ දුක් වලට හේතුව ශරීරය නෙවෙයි අපේ හිතේ ස්වභාවයන්ගේ බලපෑමයි. 

හිත මහ ප්‍රබල බලවේගයක්. සිත තරමට සැලෙන, පෙරළෙන, මැනිය නොහැකි අවබෝධ කර ගැනීමට අසීරු වෙනයම් දෙයක් දැකිය නොහැකි තරම්.

බුදු රජාණන් වහන්සේ දේශනා කල පරිදි,
"දුර ගමන් යන, තනිව හැසිරෙන ගුහාවක වෙසෙන සිත සංවරයෙහි පිහිටුවා ගත්විට මාර බැම්මෙන් මිදිය හැක.  අපි විසින් කරන කියන සෑම දෙයකටම මුල්වන සිත අපේම දුක - සැප තීරණය කරන බලවේගයකි. සිත මුල් වීමෙන් පුද්ගල ක්‍රියාකාරීත්වය සිදුවේ"

තමන් විසින් තමන් දිහා,කරන කියන දෙවල් දිහා බලාගෙන ඉද්දි තමන්ට තමන් ගැනම අවබෝධ වෙනවා. ඒ වගේම සිත දිහාත් හොඳට බලා හිටියොත් අපිට සිතේ ස්වභාවය අවබෝධ කරගන්න පුලුවන්.

මොහොතින් මොහොත අපේ සිත වෙනස් වෙන හැටි උපේක්ෂාවෙන් බලාගෙන හිටියොත් සිතේ ස්වභාවය අවබෝධ කර ගන්න පහසුයි.

ජීවිතේ ගලා යන ගංගාවකට අතිශයින්ම සමාන බව මට  අවබෝධ වී ඇත. 

වරෙක මට හැඟෙන්නේ "සිතිවිලි" මේ ජීවිතේ ගලා යාම සකස් කරන්නට දැඩි උත්සාහයක් දරන බව.  එතනම යි ද්විත්වත්වය හෙවත් මෝඩ කම ඇති වෙන්නෙ. සිතිවිල්ල දෙකට කැඩී "මම" කියලා කෙනෙක්ව හදනවා. දැන් මේ "මම" කියන කෙනාව හොඳට සෝදිසි කරලා බැලුවොත් ඇත්තමයි.... දැනෙනවා, පෙනනවා, හසු වෙනවා මහ පුදුම මායාවක් බව. ජීවිතේ ගලා යාම, පාලනය කිරීම, විවිධ ආකාරයෙන් සකස් කිරීම සිදු කරන්නේ "මම" කියන සංකල්පය විසින්.

"මම" කියන සංකල්පය මූලික කරගෙන මොනතරම් දේවල් සිදු වෙනවාද? 


No comments:

Post a Comment


What do you think?

It’s your turn.

Please feel free to share your experiences, opinions, thoughts in the comments box below.